ກະຊວງອຸດສາຫະກໍາ ແລະ ການຄ້າ
ຫ້ອງການ
ເລກທີ 3572/ຫກ
ນະຄອນຫຼວງວຽງຈັນ, ວັນທີ. 21 ກັນຍາ 2026
ແຈ້ງການ
|
ເຖິງ: |
|
|
ເລື່ອງ: |
ການນໍາໃຊ້ລະບົບແຈ້ງພາສີປະຕູດຽວແຫ່ງຊາດ (NSWA+)ໃນການອອກໃບອະນຸຍາດນໍາເຂົ້າ ແລະ ສົ່ງອອກຍານພາຫະນະທາງບົກ ຮູບແບບຍົກເວັ້ນພາສີ-ອາກອນນຳເຂົ້າຖາວອນ ແລະ ຊົ່ວຄາວ. |
- ອີງຕາມ ຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງການ ສະບັບເລກທີ 1990/ອຄ, ລົງວັນທີ 09 ກັນຍາ 2025;
- ອີງຕາມ ແຈ້ງການ ກ່ຽວກັບການນໍາໃຊ້ລະບົບແຈ້ງພາສີປະຕູດຽວແຫ່ງຊາດ (NSWA+) ເຂົ້າສູ່ການຄຸ້ມຄອງການນໍາເຂົ້າ ແລະ ສົ່ງອອກສິນຄ້າ ສະບັບເລກທີ 1167/ຫກ, ລົງວັນທີ 12 ພຶດສະພາ 2022.
ເພື່ອເຮັດໃຫ້ການຄຸ້ມຄອງການນໍາເຂົ້າຍານພາຫະນະທາງບົກ ຮູບແບບຍົກເວັ້ນພາສີ-ອາກອນນຳເຂົ້າຖາວອນ ແລະ ຊົ່ວຄາວ ໃຫ້ເຂົ້າສູ່ລະບົບ, ເປັນເອກະພາບ, ສອດຄ່ອງຕາມລະບຽບກົດໝາຍ ແລະ ຫຼັກການການຄ້າສາກົນ, ຫ້ອງການ ກະຊວງອຸດສາຫະກໍາ ແລະ ການຄ້າ ຂໍຖືເປັນກຽດແຈ້ງມາຍັງບັນດາຂະແໜງການກ່ຽວຂ້ອງ, ບໍລິສັດ/ໂຄງການ, ສະຖານທູດ ແລະ ອົງການຈັດຕັ້ງສາກົນ ທີ່ມີຈຸດປະສົງນໍາເຂົ້າຍານພາຫະນະທາງບົກດ້ວຍຮູບແບບດັ່ງກ່າວ ຊາບ ແລະ ປະຕິບັດ ດັ່ງນີ້:
- ເລີ່ມວັນທີ 21 ກັນຍາ 2026 ເປັນຕົ້ນໄປ ການຂໍອະນຸຍາດນໍາເຂົ້າຍານພາຫະນະທາງບົກ ຮູບແບບຍົກເວັ້ນພາສີ-ອາກອນນຳເຂົ້າຖາວອນ ແລະ ຊົ່ວຄາວ ຕ້ອງຂໍອະນຸຍາດຜ່ານລະບົບ NSWA+ ເທົ່ານັ້ນ.
- ການຂໍອະນຸຍາດນໍາເຂົ້າແຕ່ລະຄັັ້ງ ຕ້ອງໂຫຼດ (Upload) ເອກະສານໃຫ້ຖືກຕ້ອງ, ຄົບຖ້ວນ ແລະ ຈັດລຽງຕາມລໍາດັບ ເຂົ້າໃນລະບົບ NSWA+ ຕາມແຕ່ລະກໍລະນີ ດັ່ງນີ້:
- ການນໍາເຂົ້າຖາວອນ ຫຼື ຊົ່ວຄາວ ຮູບແບບຍົກເວັ້ນພາສີ-ອາກອນ ຂອງວິສາຫະກິດ:
- ໃບທະບຽນວິສາຫະກິດ;
- ໃບຢັ້ງຢືນການມອບພັນອາກອນປະຈໍາປີລ່າສຸດ ຫຼື ເອກະສານຢັ້ງຢືນຈາກພາກສ່ວນສ່ວຍສາອາກອນ;
- ໃບອະນຸຍາດດໍາເນີນທຸລະກິດ;
- ຂໍ້ຕົກລົງຮັບຮອງແຜນນໍາເຂົ້າຈາກຂະແໜງການທີ່ຮັບຜິດຊອບ (Master List);
- ໃບຢັ້ງຢືນການລົງທະບຽນ ຜູ້ນໍາເຂົ້າ-ສົ່ງອອກສິນຄ້າ ແລະ ບໍລິການ;
- ໃບຕິດຕາມການຫັກລົບຕາມຂໍ້ຕົກລົງແຜນການນໍາເຂົ້າ (Master List) ຕາມແບບພິມຂອງກົມການຄ້າຕ່າງປະເທດ (ກໍລະນີທີ່ບໍລິສັດເຄີຍມີການນໍາເຂົ້າໃນຮູບແບບເຈ້ຍສໍ ກ່ອນການນໍາໃຊ້ລະບົບ NSWA+);
- ສໍາເນົາໃບແຈ້ງລາຄາສິນຄ້າ (Invoice) ແລະ ໃບລາຍການຫຸ້ມຫໍ່ (Packing List);
- ໃບອະນຸຍາດນໍາເຂົ້າທາງດ້ານເຕັກນິກຍານພາຫະນະ (ສະເພາະຍານພາຫະນະທີ່ນໍາໃຊ້ແລ້ວ ແລະ ນໍາເຂົ້າຊົ່ວຄາວ).
- ຂໍ້ຕົກລົງອະນຸມັດການນໍາເຂົ້າຍານພາຫະນະຂອງກະຊວງການຕ່າງປະເທດ ຫຼື ພາກລັດທີ່ກ່ຽວຂ້ອງ;
- ໃບແຈ້ງລາຄາສິນຄ້າ (Invoice) ແລະ ໃບລາຍການຫຸ້ມຫໍ່ (Packing List);
- ສໍາເນົາໃບແຈ້ງລາຄາສິນຄ້າ (Invoice) ແລະ ໃບລາຍການຫຸ້ມຫໍ່ (Packing List).
- ໃຫ້ບັນດາ ວິສາຫະກິດ, ສະຖານທູດ ແລະ ອົງການຈັດຕັ້ງສາກົນ ທີ່ມີຈຸດປະສົງນໍາເຂົ້າຍານພາຫະນະທາງບົກ ທົ່ວປະເທດ ຮີບຮ້ອນສະເໜີຫາ ບໍລິສັດ BIVAC (ຜູ້ພັດທະນາລະບົບ) ເພື່ອຝຶກອົບຮົມການນໍາໃຊ້ລະບົບ NSWA+ ແລະ ຂໍລະຫັດຜູ້ນໍາໃຊ້ລະບົບດັ່ງກ່າວ.
- ໃຫ້ກົມການຄ້າຕ່າງປະເທດ ສົມທົບກັບກົມພາສີ, ກະຊວງການເງິນ; ກົມຂົນສົ່ງ, ກະຊວງໂຍທາທິການ ແລະ ຂົນສົ່ງ; ບໍລິສັດ BIVAC ແລະ ພາກສ່ວນກ່ຽວຂ້ອງ ເຜີຍແຜ່ ແລະ ຈັດຕັ້ງປະຕິບັດແຈ້ງການສະບັບນີ້ຢ່າງເຂັ້ມງວດ.
- ແຈ້ງການສະບັບນີ້ປ່ຽນແທນ ແຈ້ງການ ຂອງຫ້ອງການກະຊວງກະຊວງອຸດສາຫະກໍາ ແລະ ການຄ້າ ສະບັບເລກທີ 3292/ຫກ, ລົງວັນທີ 11 ພະຈິກ 2025 (ສະເພາະພາກທີ່ກ່ຽວກັບການປະກອບເອກະສານຂໍອະນຸຍາດນໍາເຂົ້າ).
- ແຈ້ງການສະບັບນີ້ມີຜົນບັງຄັບໃຊ້ ນັບແຕ່ວັນທີ 21 ກັນຍາ 2026 ເປັນຕົ້ນໄປ.
ຫົວໜ້າຫ້ອງການ
| # | ຫົວຂໍ້ | ດາວໂຫຼດ |
|---|---|---|
| 1 | ນໍາໃຊ້ລະບົບແຈ້ງພາສີປະຕູດຽວແຫ່ງຊາດ (NSWA+)ໃນການອອກໃບອະນຸຍາດນໍາເຂົ້າ ແລະ ສົ່ງອອກຍານພາຫະນະທາງບົກ |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.